«19 яшьлек кыз үлде»: Игезәк кызлар төнге юлда һәлакәткә очраган
21 яшьлек егет идарә иткән җиңел машина күпер коймасына бәрелгән.
4 гыйнварда Башкортстанда коточкыч юл һәлакәте булган. Республика ЮХИДИ идарәсендә фаҗига вакытында ике игезәк кызлар имгәнүен, аларның берсе үлүен сөйләгәннәр. Бу турыда Уфа.Онлайн хәбәр итте.
Юл һәлакәте төнге икеләр тирәсендә Бүздәк-Чакмагыш-Дүртөйле юлында була.
«Бүздәк районында яшәүче 21 яшьлек егет ВАЗ-2114 белән идарә итә. Ул Чакмагыш авылына таба бара. Шул чакта машина күпер коймасына бәрелә», — дип хәбәр итә ЮХИДИ.
Авариягә очраган машинада 19 яшьлек игезәк кызлар була. Аларның берсе һәлакәт урынында ук үлә, икенчесен хастаханәгә озаталар.
