19 яшьлек кыз интернетта Татарстан кешесен алдаган

Омск өлкәсе буенча Эчке эшләр министрлыгы аферист кызны тоткарлаган. 19 яшьлек кыз кармагына Благовещенск, Тверь, Златоуст, Түбән Кама кешеләре эләккән. Бу турыда НТР каналы хәбәр итте.

Җинаятьче кыз социаль челтәрләрдә сәхифәләр ачып, модалы кием сату турында игълан итә. Кешеләр исә бу кызга акча күчерә, тик кием-салымны гына көтеп җиткерә алмый.

Аферист кыз беренче сатып алучысыннан 2,6 мең сум акча ала. Шуннан соң эшнең тәмен тоеп, тагын 20 мең чамасы акча җыя.

Полиция хезмәткәрләре тиз арада акча күчерә торган хисап номерының хуҗасын эзләп таба. 

Хәзерге вакытта Омски кызына карата алты эш ачылган. Аны ике елга ирегеннән мәхрүм итүләре ихтимал, диелгән әлеге хәбәрдә.