19 сентябрьдә Татарстанда алмашынучан-болытлы һава торышы була. Төнлә һәм иртән урыны белән бераз яңгыр явачак, кайбер районнарда томан төшә. Көндез явым-төшемнәр көтелми. Көнбатыштан, төньяк-көнбатыштан уртача тизлектә, көндез урыны белән 14 метрга кадәр көчле җил. Төнлә һава температурасы +4..+9˚, көндез +14..+19˚ градус.
Үсүче ай, ай Чаян йолдызлыгында.
Туфракны сукаларга, түтәлләр әзерләргә була. Кышлыкка сарымсак, суганчалы үсемлекләр утыртып куярга мөмкин. Теләсә кайсы үсемлекләрне күчереп утырту өчен уңай көн.
