Бразилиядә бер бала чокырга егылып төшкән. Аны 18 сәгать узгач коткарганнар. Кызганычка, бала коткаруга ук вафат булган. Бу турыда РИА Новости хәбәр итте.
Фаҗига Минас-Жерайс штатының Карму-ду-Паранаиба муниципалитетында була.
8 яшьлек Педру кырга уйнарга чыгып китә, анда төзелеш эшләре бара торган була. Биредә 6 метр тирәнлектәге чокыр казыганнар, кырыйларын койма белән әйләндереп алмаганнар. Педру шул чокырга егылып төшә.
Аны коткарырга янгын сүндерүчеләр килә, алар кул белән горизонталь коридор казый. Чөнки грунт бик йомшак була, ул теләсә кайсы мизгелдә баланы күмеп куярга мөмкин.
Коткаручылар килеп җиткәндә, бала аңсыз, ләкин исән була. Чокырдан алып менгәч, Педруның йөрәге тибүдән туктый. Аны кичекмәстән ашыгыч ярдәм машинасына салалар, табиблар реанимацияләргә тырыша, тик бала хастаханәгә барышлый вафат була, диелә хәбәрдә.