18 июльдә Татарстанда алмашынучан-болытлы, явым-төшемнәрсез һава торышы була. Төньяк-көнбатыштан, төньяк-көнчыгыштан 4-9 метр тизлектә, көндез урыны белән 14 метр тизлектә җил. Төнлә һава температурасы +9..+14˚, көндез +21..+26˚ градус.
Кимүче ай, ай Үгезбозау йолдызлыгында.
Тамыразыкларны, бәрәңгене ашларга, үсеш стимуляторлары белән эшкәртергә була. Көзен теплица һәм парникларга тутырып куяр өчен печән әзерләргә мөмкин. Бу вакытта утыртылган агач һәм куак үсентеләр яхшы тамырланып китәчәк. Ирис һәм нәркис чәчәкләрен бүлеп утыртырга кирәк.