16 августта Татарстанда алмашынучан-болытлы һава торышы була. Урыны белән кыска вакытлы яңгыр, яшенле яңгыр явачак, көндез боз яварга мөмкин. Төнлә һәм иртән кайбер районнарда томан. Төньяк-көнбатыштан, төньяк-көнчыгыштан уртача тизлектә, урыны белән 15-20 метр тизлектә көчле җил. Төнлә һава температурасы +13..+18˚, көндез +24..+29˚ градус.
Үсүче ай, ай Арыслан йолдызлыгында.
Бернәрсә дә утыртырга, күчереп утыртырга, үсемлекләр белән бәйле эшләр башкарырга ярамый. Яшелчә тозлау, маринадлау өчен дә уңышлы көн түгел. Хуҗалык эшләре, туфрак белән бәйле эшләр башкарырга ярый.
