16 апрельгә һава торышы һәм ай календаре
16 апрельгә һава торышы һәм ай календаре
16 апрельдә Татарстанда аязучан болытлы һава торышы булачак. Төнлә урыны белән, көндез күпчелек районнарда яңгыр һәм юеш кар явачак. Җил көнбатыштан, төньяк-көнбатыштан, уртача тизлектә исәчәк. Төнлә һава температурасы -3..+2˚, көндез +4..+9˚ градус.
16 апрель.
Үсүче ай. Ай кыз йолдызлыгында.
Яшелчә бакчасы
Бу көннәрдә үсемлек орлыклары чәчәргә ярамый. Дару үләннәре һәм хуш исле тәмләткеч үләннәр утырту өчен уңышлы чор. Томат, борыч, баклажан рассадасын зуррак ссавытларга күчереп утыртырга була.
Чәчәк түтәле
Бу көннәрдә үсемлек орлыклары чәчәргә ярамый. Чәчәк рассадаларын сирәкләргә була. Дәлия чәчәкләрен утыртырга мөмкин. Бүлмә гөлләрен күчереп утыртырга була.
Җиләк-җимеш бакчасы
Бу көннәрдә бернәрсә дә утыртмау хәерле. Җимеш агачларын ялгау. Агач һәм куакларны корткычларга һәм авыруларга каршы матдәләр белән эшкәртү.
