Башкортстанның Иглин районында авариядә 6 кеше, шул исәптән балигъ булмаган балалар имгәнгән. Бу турыда «Башинформ» хәбәр итте.
Фаҗига бүген иртәнге 6лар тирәсендә Уфа-Охлебинино юлының 1нче километрында була.
ЮХИДИ белешмәсе буенча, «Фольксваген Пассат» машинасы юл кырыена төшеп капланган. Аның 5 пассажиры, шуларның өчесе 15-17 яшьлек үсмерләр, имгәнгән, аларны хастаханәгә китергәннәр.
Урында тикшерүчеләр эшли, диелә хәбәрдә.
Әлеге аварияне тикшерүне прокуратура контрольгә алган.
«Әлеге факт буенча тикшерү һәм процессуаль карар кабул итү контрольгә алынды. Моннан тыш, прокуратура балигъ булмаганнар турында законнар үтәлешен тикшерәчәк. Нигез булган очракта, тиешле чаралар күреләчәк», – диелә прокуратура хәбәрендә.