14-15 мартка һава торышы һәм ай календаре

14 мартта Татарстанда аязучан-болытлы һава торышы булачак. Урыны белән кар явачак, буран булачак. Көньяктан, көньяк-көнбатыштан уртача тизлектә, урыны белән 17 метр тизлектә көчле җил исәчәк. Төнлә -12..-17˚, аязганда -22˚, көндез -2..-7˚ градус салкын булачак. Юлларда бозлавык.

15 мартта Татарстанда аязучан болытлы һава торышы булачак. Төнлә һәм иртән кар явачак, буран булачак. Көндез явым-төшемнәр көтелми. Көньяктан, көньяк-көнбатыштан 15 метр тизлектә көчле җил исәчәк. Төнлә -5..-10˚, аязганда -13˚, көндез -4..+1˚ градус. Юлларда бозлавык.

Үсеш алучы ай, ай кучкар йолдызлыгында.

Җылытыла торган теплицаларда кыяр орлыклары чәчү өчен уңай вакыт. Томат, борыч, баклажан рассадаларын зур савытларга күчереп утыртырга кирәк. Җимеш бирә торган агач-куакларны ялгарга була.