13 яшьлек мәктәп укучысы үзеннән көлгән дустын атып үтергән
Сведловск өлкәсенең Югары Синячихи бистәсендә 13 яшьлек укучы малай 12 яшьлек малайны атып үтергән. Бу хакта ТАСС хәбәр итә.
Бишенче класста укыган малай җиденче класста укыган танышы янына кунакка килгән була. Ул үзенең өлкәнрәк иптәшеннән көлә башлый. Тегесе, үпкәләп, аны куа башлый. Әмма малай чыгып китми. Җиденче класс укучысы, бабайсының ике көпшәле мылтыгын алып, атып үтерә. Ядрә муенына тигән малай ашыгыч ярдәм килгәнче үк һәлак була.
Тикшерү комитеты җинаять эше ачкан.
Сведловск өлкәсенең бала хокуклары буенча вәкаләтле вәкиле Игорь Мороков ТАССка үзенең шәхсән тикшерүен дә башлап җибәрүен әйткән. Без бу хәлнең сәбәпләрен һәм аңа китергән шартларны тикшерәбез. Шулай ук өлкәннәрнең утлы коралны саклауга салкын каравына да бәя бирербез, дигән ул.
