13 майда Татарстанда алмашынучан-болытлы һава торышы була. Төнлә көнбатыш районнарда урыны белән яңгыр явачак. Көндез явым-төшемнәрсез. Көнчыгыштан, төньяк-көнчыгыштан 4-9 метр тизлектә, көндез урыны белән 12 метр тизлектә көчле җил. Төнлә һава температурасы +3..+8˚, көндез +18..+23˚ градус.
Кимүче ай, ай Укчы йолдызлыгында.
Туфракны сукаларга, йомшартырга була. Сарымсак, иртә өлгерә торган бәрәңге утыртырга була. Бәрәңге янәшәсенә утыртылган фасоль һәм кузаклы үсемлекләр туфракны азот белән баета һәм колорадо коңгызын куркыта. Җимеш бирә торган агач-куакларга авыруларга, корткычларга каршы дарулар сиптерергә була.