13 майда Татарстанда алмашынучан-болытлы һава торышы була. Урыны белән бераз яңгыр явачак. Көндез һәм кич кайбер районнарда яшенле яңгыр булырга мөмкин. Төньяктан, төньяк-көнбатыштан уртача тизлектә, урыны белән 15-18 метр тизлектә көчле җил. Төнлә һава температурасы 3.. 8˚, көндез 18.. 23˚ градус.
Кимүче ай, ай Балык йолдызлыгында.
Агачлар утыртырга һәм аларның ботакларын кисәргә ярамый. Үсемлекләргә органик ашламалар сибү өчен уңай көн. Бакча җиләгенә комплекслы ашламалар сибәргә кирәк.