13-14 июньгә һава торышы һәм ай календаре

13 июньдә Татарстанда аязучан болытлы һава торышы булачак. Кыска вакытлы яңгыр явачак. Кайбер районнарда яшенле яңгыр, боз явуы ихтимал. Төнлә һәм иртән урыны белән томан. Көньяк-көнчыгыштан, көньяктан уртача тизлектә, яшен вакытында 17-22 метр тизлектә көчле җил исәчәк. Төнлә +12..+17˚, көндез +22..+27˚ градус.

14 июньдә Татарстанда алмашынучан болытлы һава торышы булачак. Кыска вакытлы яңгырлар явачак, боз явуы ихтимал. Көньяктан, көньяк-көнбатыштан уртача, яшен вакытында 15-20 метр тизлектәге көчле җил исәчәк. Төнлә +13..+18˚, көндез +25..+30˚ градус.

Үсеш алучы ай, ай арыслан йолдызлыгында.

Үсемлекләрне сугару, сыек ашламалар сибү өчен уңай вакыт түгел. Авыруларга һәм корткычларга каршы дарулар сиптерү файдалы булачак. Корыга чыдам һәм декоратив чәчәкләр утырту өчен уңай вакыт.