Ростов өлкәсендә 12 яшьлек кыз баланы вәхшиләрчә үтергәннәр. Бу турыда РЕН ТВ хәбәр итте.
Үтерүче баланың битен, күзләрен кискәләп бетергән.
Баланы 24 октябрьдә Тереховский хуторында үтерәләр. Җинаятьче баланы вәхшиләрчә җәзалый – битен кискәли, аннары үтергәнче кыйный, диелә бу хәбәрдә.
Россия Тикшерү комитетының Ростов өлкәсе буенча Тикшерү идарәсе хәбәр иткәнчә, җинаять эше ачылган. Җинаятьче әлегә ачыкланмаган.
РЕН ТВ белешмәсе буенча, мәрхүмә кызның анасын 3 ел элек «үтерү яки сәламәтлеккә җитди зыян китерү белән янау» маддәсе буенча хөкем иткәннәр.