12 яшьлек кызны үтергәннәр

Забайкальский краеның Чита шәһәрендә 12 яшьлек кызны үтерүдә шикләнелүчене тоткарлаганнар. Бу турыда Россия Тикшерү комитеты  хәбәр итте.

12 яшьлек кыз бала җомга көнне иртән мәктәпкә китә һәм югала. Дүшәмбе көнне баланы үтерүдә шикләнеп 45 яшьлек ир-атны тоткарлыйлар. Бу кеше яшәгән урынны тентегән вакытта 12 яшьлек кыз бала мәете табыла. Аны көч кулланып үтергәннәр. Хәзерге вакытта судмедицина экспертизасы билгеләнгән.

45 яшьлек Чита кешесе моңа кадәр дә балигъ булмаган бала белән җенси гамәлләр кылган өчен төрмәдә утырган булган. Аны 2008 елда иреккә чыгарганнар.

Якын көннәрдә шикләнелүчегә карата гаепләү белдереләчәк. Аны сак астына алу турында мәсьәлә хәл ителә.