12 июльдә Татарстанда алмашынучан-болытлы һава торышы була. Төнлә явым-төшемнәрсез. Көндез урыны белән кыска вакытлы яңгыр, яшенле яңгыр һәм боз явачак. Төньяк-көнчыгыштан 4-9 метр тизлектә, көндез урыны белән 14 метр, яшен вакытында 15-20 метр тизлектә көчле җил. Төнлә һава температурасы +15..+20˚, көндез +26..+31˚ градус.
Кимүче ай, ай Сукояр йолдызлыгында.
Үсемлекләр утыртырга, күчереп утыртырга ярамый. Яшелчәләрне сирәкләргә, өстәге ботакларын өзәргә ярый. Киптерү өчен үләннәр, яшелчә, җиләк-җимешләр җыю өчен уңай көн.
