12 июльдә Татарстанда алмашынучан-болытлы һава торышы була. Төнлә кыска вакытлы, урыны белән көчле яңгыр явачак, кайбер районнарда яшен була, боз явуы ихтимал. Көндез урыны белән бераз яңгыр явачак. Көнбатыштан, көньяк-көнбатыштан уртача, урыны белән көчле җил исәчәк. Төнлә һава температурасы +10..+15˚, көнчыгыш районнарда +19˚ градус; көндез +16..+21, көнчыгыш районнарда +24˚ градус.
Кимүче ай, ай Үгезбозау йолдызлыгында.
Тамыразыкларга, бәрәңгегә ашлама, үсеш стимуляторлары сибәргә була. Мул уңыш бирә торган агачларның ботакларына терәү куярга була. Агач һәм куак үсентеләрен тамырландыру яхшы булачак. Ирис, нәркис чәчәкләрен бүлгәләп утыртырга мөмкин.