12 августта Татарстанда аязучан-болытлы һава торышы була. Яңгыр явачак, кайбер районнарда көчле яңгыр көтелә. Кайбер районнарда яшен була, боз явуы ихтимал, төнлә һәм иртән томан төшәчәк. Төньяк-көнбатыштан, төньяк-көнчыгыштан 6-11 метр тизлектә, көндез урыны белән 14 метр, яшен вакытында 15-18 метр тизлектә көчле җил. Төнлә һава температурасы +11..+16˚, көндез +19..+24˚ градус.
Кимүче ай, ай Кучкар йолдызлыгында.
Кура җиләге, карлыган, кыржовник, зелпе куакларын яңартып, форма биреп ботакларын кисәргә кирәк. Кыяр, ташкабак һәм помидорның саргайган яфракларын, борычның уңыш бирми торган үрентеләрен өзеп ташларга була. Җимеш агачлары төбенә компост, янган тирес һәм пычкы чүбе чәчү өчен уңай вакыт.