Украина белән әсирләр алмашы узды. Әсирлеккә алынган 115 Украина хәрбие өенә кайтарылган, шулай ук 115 Росси хәрбие дә иреккә чыкты. Алар башлыча Курск өлкәсендә әсирлеккә эләккән «срочниклар», дип хәбәр итә Оборона министрлыгы. Ведомство хәбәренә караганда, әсирләр алмашы Берләшкән Гарәп әмирлекләре арадашлыгында башкарылган.
Россиянең кеше хокуклары буенча вәкаләтле вәкиле Татьяна Москалькова әйтүенчә, әсирлек озак булмаса да, бу солдатлар өчен вакыт мәңгелек кебек тоелган. Ул әсирлектә булган хәрбиләр белән элемтә көн саен алып барылганны әйтте.
Әсирләр госпитальләрдә реабилитация узачак.
Курск өлкәсенә Украина армиясе 6 августта бәреп керде. Төбәкнең губернаторы вазифаларын башкарчы Алексей Смирнов әйтүенчә, Украина гаскәрләре басып алган мәйданның киңлеге 40, «тирәнлеге» 12 километр. Срочниклар чикне саклаган булган, дип хәбәр итә Дума депутаты генерал-лейтенант Андрей Гурулев.