11 мартта Татарстанда аязучан-болытлы һава торышы була. Төнлә яңгыр, җепшек кар явачак, кайбер районнарда кыска вакытлы буран. Көндез явым-төшемнәр көтелми. Көнбатыштан, төньяк-көнбатыштан уртача тизлектә, төнлә урыны белән 15-22 метр тизлектә көчле җил. Төнлә һава температурасы -5..-10˚, көндез 0..-5˚ градус. Юлларда бозлавык.
Кимүче ай, ай Чаян йолдызлыгында.
Язын ай Чаян йолдызлыгында булганда, агач-куакларның ботакларын кисәргә ярамый. Алга таба тамырландыру өчен виноград чыбыкчаларын суга утыртып куярга була. Бүлмә гөлләренә һәм рассадага органик ашламалар сибәргә кирәк. Үсемлекләргә үсеш стимуляторлары сибәргә була.
