11 июльдә Татарстанда алмашынучан-болытлы һава торышы була. Урыны белән кыска вакытлы яңгыр, яшенле яңгыр явачак. Көндез урыны белән боз яварга мөмкин. Төньяк-көнчыгыштан, төньяк-көнбатыштан уртача тизлектә, урыны белән көчле җил. Төнлә һава температурасы 19.. 24˚, көндез 25.. 30˚, көнчыгыш районнарда 32.. 37˚ градус.
Кимүче ай, ай Үгезбозау йолдызлыгында.
Тамыразыкларга, бәрәңгегә ашлама, үсеш стимуляторлары сибәргә була. Мул уңыш бирә торган агачларның ботакларына терәү куярга була. Агач һәм куак үсентеләрен тамырландыру яхшы булачак. Ирис, нәркис чәчәкләрен бүлгәләп утыртырга мөмкин.