11 февральдә Татарстанда аязучан-болытлы, явым-төшемнәрсез һава торышы була. Төньяк-көнбатыштан, көньяк-көнчыгыштан уртача тизлектә җил. Төнлә һәм иртән һава температурасы -18..-23˚, аязганда -27˚, көндез -11..-16˚ градус. Юлларда бозлавык.
12 февральдә Татарстанда аязучан-болытлы һава торышы була. Төнлә явым-төшемнәрсез. Көндез урыны белән кар явачак, җиңелчә буран булачак. Көньяк-көнчыгыштан уртача тизлектә, көндез урыны белән 13 метр тизлектә көчле җил. Төнлә һава температурасы -18..-23˚, көндез -8..-13˚ градус. Юлларда бозлавык.