102 яшьлек бабайны 94 яшьлек әбине көчләргә маташуда гаеплиләр
Бабайны җиде елга төрмәгә озатулары ихтимал.
Австралиядәге Сидней шәһәре янында урнашкан картлар йортында яшәүче 102 яшьлек бабайны тоткарлаганнар. Аны 94 яшьлек әбигә карата җенси җинаять кылуда гаеплиләр. Бу турыда РИА Новости хәбәр итте.
Бабай әбине көчләргә маташкан. Карт белән карчык яши торган йортка полиция чакыртканнар. Вакыйганың ничек булганы турында хәбәр ителми.
Ноябрьдә бабайга карата суд була. Хәзер залог түләгәннәр һәм бабай әлегә иректә. Әгәр суд 102 яшьлек картны гаепле дип тапса, аңа җиде ел төрмә яный, диелгән әлеге хәбәрдә.
2014 елда Бөек Британиядә 100 яшьлек бабайны хөкем иткәннәр иде. Ул суд каршына басучы дөньядагы иң карт кеше булган. Ул вакытта бабай гаебен тулысынча таныса да, аңа өенә кайтырга рөхсәт иткәннәр.