Табиб-акушер-гинеколог, эндокринолог Екатерина Волкова сүзләренчә, эчәклек сәламәтлеген кайгырту яшьлекне сакларга ярдәм итә. Бу турыда «Радио 1» яза.
Белгеч әйтүенчә, эчәклекнең сәламәтлеге ашкайнату процессына гына түгел, ә кешенең тышкы кыяфәтенә, энергия дәрәҗәсенә һәм гомуми халәтенә дә зур йогынты ясый. Бу орган витаминнар һәм минераллар үзләштерүдә, иммун системаны саклауда һәм матдәләр алмашын көйләүдә мөһим роль уйный. Шулай ук эчәклек микрофлорасы баш мие эшчәнлеге белән дә бәйле, ул кәефкә һәм хәтергә тәэсир итә.
Яшь арткан саен, аеруча 40 яшьтән соң хатын-кызларда, эстроген дәрәҗәсе кимү сәбәпле, эчәклек микробиомы үзгәрә. Бу эч күбү, эчәклек эшчәнлеге тотрыксызлану, авырлык арту, тире һәм чәч торышы начараюда чагылырга мөмкин.
Эчәклек сәламәтлеген саклау өчен табиб түбәндәгеләрне киңәш итә:
- клетчатка күбрәк куллану,
- тиз углеводларны киметү,
- антибиотикларны нигезсез кабул итмәү.
Шулай ук стресс дәрәҗәсен контрольдә тоту һәм даими физик активлык белән шөгыльләнү мөһим. Бу эчәклек микрофлорасының балансын сакларга һәм организмның гомуми халәтен яхшыртырга ярдәм итә, дип нәтиҗә ясады Волкова.