1 сентябрьдән Россия балалар бакчаларында яңартылган тәкъдимнәр үз көченә керәчәк. Бу турыда Татарстан Мәгариф һәм фән министрлыгы хәбәр итте.
Яңартулар мәктәпкәчә яшьтәге балалар учреждениеләренең эш программаларына, тәрбияләнүчеләр белән дәресләр үткәрүгә, шулай ук балалар бакчаларында кулланыла торган музыкаль тәрбиягә кагылачак, дип ачыклык кертелә.
РФ Мәгариф министрлыгы башлыгы Сергей Кравцов «Формирование» экспертлар төркеме утырышында искәртеп үткәнчә, министрлык тарафыннан агымдагы ел Мәктәпкәчә белем бирү елы дип игълан ителде.