Сентябрьдә Россиядә бәясе иң нык төшкән азык-төлек продукты бәрәңге булган. Бер ай эчендә аның уртача бәясе 11,6 процентка кимегән һәм килограммы 49,8 сум тәшкил иткән. Бу хакта «РИА Новости» агентлыгына Руспродсоюзда хәбәр иткәннәр.
Ассоциация мәгълүматлары буенча, бәрәңге икенче ай рәттән иң күп арзанайган продуктлар рейтингында беренче урында. Сентябрьнең соңгы атнасында бәрәңгенең бер килограммы өчен кулланучы бәясе уртача 49,8 сум булган. Бу бер ай элеккегә караганда 11,6 процентка азрак.
Сентябрьдә шулай ук шактый арзанайган продуктлар исемлегенә кәбестә (бәясе 10,7 процентка төшкән), суган (9,3 процентка), алма (9,2 процентка), кишер (8,7 процентка) һәм чөгендер (6,3 процентка) кергән.