1 июльдә эшләгән кешеләргә күбрәк түләнәчәк
Эшләмәүчеләр дә алачак, эшләүчеләргә тагын да күбрәк тә бирәчәкләр.
Конституциягә үзгәрешләр кертү көнендә эшләүчеләр гадәти көнгә караганда күбрәк хезмәт хакы алачак, ә башкалар өчен (ул көнне эшләмәүчеләр өчен) — 1 июль гадәти эш көне кебек түләнәчәк, дигән РИА Новостига Федерация Советының социаль комитет җитәкчесе Инна Святенко.
«Тавыш бирү көнендә эшләгән өчен күбрәк түләнәчәк. Кешеләр июль өчен азрак алырга тиеш түгел», — дигән ул.
Ял һәм бәйрәм көннәрендә эшләгән өчен түләү мәсьәләсе Хезмәт кодексының 153 маддәсе буенча билгеләнә.
Узган атнада Владимир Путин 1 июльдә Конституциягә үзгәрешләр кертү буенча тавыш бирү булачак диде. Башта халык фикерен ачыклау 22 апрельгә билгеләнгән иде, әмма коронавирус аркасында аны күчерделәр.