Татарстанда кайбер кешеләрнең пенсиясе 1 гыйнвардан 10 мең сумнан да артыграк суммага артачак. Бу турыда «Татар-информ» яза.
Шундый зур өстәмәне декабрьдә 80 яшь тулган пенсионерлар һәм I төркем инвалид дип танылган кешеләр алачак, чөнки аларга билгеләнгән пенсиянең теркәлгән өлеше икеләтеп бирелә. Әйтик, 1 гыйнвардан теркәлгән өлеш күләме 9 584,69 сум була.
Игътибар итәргә кирәк, өстәмә арттыру бары тик бер нигездә бирелә: яше буенча, яки инвалидлыгы буенча.
Моннан тыш, 1 гыйнвардан иминиятләштерелгән пенсияләр 7,6%ка индексацияләнә. Шуңа күрә, бу ике өстәмәне кушсак, Татарстанның кайбер пенсионерларының түләүләре 10 мең сумнан да артыграк суммага артачак.
