Төркия отельләрендә "бар да кергән" системасын чикләүне сорыйлар

15 август 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Төркиянең Сиде һәм Анталья шәһәрләрендә эшләүче сәүдәгәрләр ил җитәкчелегенә отельләрдәге "бар да кергән" ("все включено") системасын үзгәртүне сорап мөрәҗәгать иткәннәр. Бу хакта Россия туроператорлары ассоциациясе хәбәр итә.

Сәүдәгәрләр хатында Төркиянең "сәяхәт вакытында 1000 доллардан да ким булмаган сумманы тотарга әзер булган" туристларга йөз тотуы искәртелә. 

Инициатива авторлары белдерүенчә, "все включено" системасы аларның бизнесын үтерә, чөнки туристлар хәзер отельләрдә генә утыралар, экскурсияләргә йөрмиләр, ризык сатып алмыйлар һәм отельләр читтәге кибетләрдә акча тотмыйлар. Сәүдәгәрләр мондый форматтагы отельләр эшли алырдай урыннарны билгеләргә тәкъдим итәләр һәм кунакларның чыгымнары өчен гадел конкуренция булдыруны сорыйлар. 

Аланья шәһәре сәүдәгәрләре һәм һөнәрчеләре палатасы президенты Нури Дәмир "отельләр тулы, ә кибетләр буш" дип белдергән.

Күп кенә сәүдәгәрләрнең сезонга кибет ачар өчен кредит алуы да искәртелә. Соңгы бер елда сәүдәгәрләрнең чыгымнары 20% арткан.

Аланьяда эшләүче кибетләр хуҗалары шәһәр үзәгендәге отельләргә "бар да кергән" системасы белән эшләүне тыюны да сорыйлар.

Төркиягә сәяхәтләр оештыручы туроператорлар мәгълүматы буенча, биредә россиялеләр чыннан да азрак акча тота башлаган. Бу күпмедер очракта туристларның Төркиягә беренче мәртәбә генә килмәүләре һәм экскурсияләрне, шопингны инде күрәсе килмәүләре белән аңлатыла.

Моннан тыш, быел Төркия отельләрендә бәяләр 20-30% арткан, шуңа туристларның да чыгымнары күбрәк булган. 

"Безнең кунаклар Төркиядә ял итүдән баш тартмый, әмма алар отпускта күбрәк акча тотарга әзер түгел", - дигән турфирма вәкиле. Аның сүзләренчә, экскурсияләргә ихтыяҗ 30% төшкән.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла