"Иртә, уртача, соң өлгерешле сортларның һәрберсен утыртырга кирәк". Февральдә бакча эшләре

27 январь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Чулпан ШАКИРОВА
Фото: Рамил Гали
Февраль – бакчачыларның әкренләп сезонга әзерләнә башлаган чагы. Саба районының Шәмәрдән бистәсендә яшәүче Илсөяр Кәбирова “Интертат” өчен махсус үз тәҗрибәсе белән уртаклашты.
- Кайберәүләр бакчачылык белән шөгыльләнүне физик хезмәт дип уйлый, ә акыл хезмәтен исәпкә дә алмыйлар, – ди Илсөяр Кәбирова. - Ә бит теге яки бу культураны үстерү һәм аннан яхшы уңыш алу өчен бик күп өйрәнергә кирәк. Моның өчен иң яхшы булышчы - интернет челтәре. Анда үзеңне кызыксындырган бик күп сорауларга җавап табарга була. Кешеләр белән аралашу, фикер алышу, тәҗрибә уртаклашу өчен бу - иң кулай ысул. 



Ләкин интернетта барлык язмаларга да ышанып бетеп булмый. Монда үзеңнең практика зур роль уйный. Һәвәскәр бакчачылар теге яки бу үсемлекне үстереп карый да. ләкин ниндидер ягын ошатмый, үзенең фикерләрен язып чыга. Шулай инде “на вкус и цвет товарища нет” дигәндәй, һәркемнең үз фикере. Шуңа күрә мин “Интертат” укучылары белән үз тәҗрибәм буенча, үземә ошаган, үзем үстерә торган үсемлекләр белән уртаклашырга телим. 
  

Февраль аенда бакча эшләре: 
 
- Саклауга куйган бүлбе, суганча, чыбыкчаларның торышын тикшерү;
- Бакчада кар тоту, тычканнар ияләшмәсен өчен, агач тирәләрендәге карны таптап тыгызлау;
-Орлык материалларын барлау, стратификация үткәрү, яңа орлыкларга заказ бирү, кайтарту;
-Үзем әзерләгән орлыкларның (кишер, чөгендер, кабак, ташкабак, помидор һ.б.) тишелешләрен тикшерү;
- Чәчү әйләнешен карап (мөмкин булганча), үсемлекләрне утырту өчен план төзү;
- Өй шартларында үсә торган помидор, борыч (12гыйнвар) чәчү;
- Борыч, баклажан, помидор (16-17, 25 февраль) чәчү. 
 


Рассаданы ничек әзерләргә? 

Рассада өчен туфракны көздән әзерлибез. Кибет туфрагын гына җиткереп булмый, шуңа күрә черемәле, уңдырышлы туфракны капчыкларга тутырып әзерләп калдырган булсагы, оттырмассыз. Яз көне шушы туфракка кибетнекен өстәп, вермикулит, кокос субстраты, әзрәк көл салып рассада өчен әзерлим. 
 
Сыек кына марганцовка эремәсен туфракка сибәм. Бер тәүлектән соң орлыкларны чәчкәч, су сибәм. Күбрәк кар суын эретеп сибәргә тырышам. 
 


“Иртә, уртача, соң өлгерешле сортлар утыртам”

Һәрбер культураны үстергәндә үзенең кагыйдәләре бар, ләкин шулай да иртә, уртача һәм соң өлгерә торганнарын (мәсәлән, помидорның) да утыртырга кирәк. Күп еллар тикшерелеп килсә дә, һава торышы туры килмәсә, теге яки бу сорт мул уңыш бирмәскә мөмкин. Шуңа күрә берсенә генә ышанырга ярамый. 



“Бакча аптечкасы булдырыгыз” 

Бакча аптечкасында үсемлекләр өчен нашатырь спирты, йод, зеленка, бор кислотасы, марганцовка, аш тозы, сөт сывороткасы, чүпрә тотам.


  Без Инстаграмда

Фикерләр








Йорт һәм бакча

"Агач эше ул шундый мавыктыргыч, ясаган саен илһамланасың"

Кулы эш белгән кеше ни генә эшләми. Гомер буе сокландым шундый кулы эшкә осталарга. Казанда яшәүче Руслан Кавиев белән танышкач та, аның агач эшләнмәләрен күреп хәйран калдым. Уфа шәһәрендә үскән егет күптән түгел генә Казанга күченеп килгән. Хатыны – Казан кызы. Казанга күченергә ул да сәбәп булгандыр. Шулай ук, хезмәте буенча киңәергә Татарстанда мөмкинлекләр күбрәк булуы да кызыктырган.

Йорт һәм бакча

Агач, куак үсентеләрен ничек сайларга, помидор рассадасын ничек утыртырга, суган эре булсын өчен нишләргә?

Базарларда, сәүдә нокталарында җимеш агачлары, куак үсентеләре, җиләк-җимеш һәм яшелчә рассадалары сату җанланып китте. Сатучыларның һәрберсе үз товарларын мактый-мактый, мул уңыш вәгъдә итеп сата. Безнең табигать шартларында мул уңыш бирерлек агач, куак үсентеләрен ничек сайларга? Помидор рассадасын кайчан һәм ничек утыртырга? Суган эре булсын өчен нишләргә? "Татар-информ" хәбәрчесе агач, куак үсентеләре, рассадалар һәм орлык сатучылар белән шул турыда сөйләште.

Йорт һәм бакча

Бәрәңгене кайчан утыртырга, ничек итеп мул уңыш алырга?

Бәрәңге утыртыр чак җитә. Бәрәңгең булса, ач калмассың, дигән халык. Күптән игелә торган культура булса да, бәрәңге уңышы мул булсын өчен шактый тырышырга туры килә. “Татар-информ” хәбәрчесе мул уңыш алу серләре, бәрәңге утырту үзенчәлекләре турында Татарстан авыл хуҗалыгы фәнни тикшеренү институтының бәрәңге үстерү үзәге баш белгече Фәния Җамалиевадан сорашты.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла