Халидә Бигичева башта татарча, мишәрчә түгел, җырларга өйрәнсен! (Наилә, Арча)

25 июль 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Салават Камалетдинов
Редакциябезгә кайтаваз килде: укучы Халидә Бигичеваның интервьюсында әйтелгән фикерләр белән риза түгел.

Исәнмесез, редакция хезмәткәрләре!

Эшегездә уңышлар теләп, сезгә Арчадан язам. Район газетасының №6 “Атна вакыйгалары” кушымтасында Халидә Бигичеваның “Бирелгән талантның вакыты чыккандыр” исемле интревьюсын укыгач, туган кайбер фикерләремне сезгә җиткерәсем килә.

Автор фикерләре белән сез килешәсез, ахры, андый искәрмә күрмәдем.

Берничә танышым да минем белән тулысынча килеште.

Моң... Бу моң дигән әйбер татарда гына бар, дигәнне гел ишетеп торабыз.

Бу чыннан да шулай. Ләкин безне аптыратканы икенче – ничек инде бөтен Татарстанга “Моңлы җырчылар юк”, - дип язарга була. Бер Бигичева гына икән, ул да китә эстрададан?!

Үзе дин юлында ди, тәрбияле, дини кеше мондый булырга тиеш түгел.

Хәйдәр Бигичевның тормыш иптәше Зөһрә Сәхәбиева бар, андагы моң, ул “Җидегән чишмә”, “Әниемә хат” һәм башка бик күп җырларны башкарганда, тыныч кына тыңлап булмый.

Өлкән буын җырчылары Илһам Шакиров, Әлфия Авзалова, Зөһрә Шәрифуллиналар гомер буе халкыбызга хезмәт иттеләр.

Бүгенге эстрададагы 700 ләп җырчы арасында да бар алар.

Филүс Каһиров, Зөфәр Билаловлар “Карурман”ны сузып җибәрсәләр...

Ә Зәйнәб Фәрхетдинова?!? Андагы тавыш, андагы моң беркемдә дә юк. “Гөлҗамал”ны, “Сусау”ны һәм башка бик күп халык җырларын башкарырга бик күпләргә (аннан) Зәйнәбтән өйрәнергә кирәк. Аны бит халкыбызнң моңлы сандугачы, эстрадабызның бизәге дип юкка гына әйтмиләр. Искиткеч талант өстенә Ходай аңа буй-сынны, чибәрлекне өеп биргән. Чын сәхнә кешесе!

Ә Халидә Бигичева башта татарча, мишәрчә түгел, җырларга өйрәнсен!

Бөтен эстрадага бәя биргәнче, үзенә әйләнеп карасын!

Зур ихтирам белән, Наилә.


  Без Инстаграмда

Фикерләр








Иҗат

Таллыкүлдә былбыл бар (Айгөл Әхмәтгалиева)

Язучы Айгөл Әхмәтгалиеваның "Таллыкүлдә былбыл бар" повестеннән өзекне Татарстан китап нәшрияты тәкъдим итә.

Иҗат

Сәкинә Шәймиеваның балачагы, театр сәхнәсендә уйнавы, мал-туар яратуы, каенатасының хөрмәте һәм хоббие турында

Сәкинә Шәймиева – татар хатыннарына гына хас булганча, һәрвакыт иренең күләгәсендә яшәде. Без аны Татарстан Президентының беренче хатыны, ышанычлы тылы буларак беләбез. ТНВ каналы генераль директоры Илшат Әминов 2009 елда Сәкинә Шакир кызы Шәймиева турында "Сәкинәнең 4 ел фасылы" (Четыре времени года Сакины) документаль фильмын төшергән иде. Анда Сәкинә ханым үзе дә катнаша. "Интертат" шушы фильмда әйтелгән кызыклы фикерләрне барлады.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла