"Вәхшилек гөнаһ түгел": Бер хатын сабый балаларына көненә 40 сөлек салган, клизма куйган, ач тоткан, вәхшиләрчә кыйнаган

12 апрель 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Башкортстанда балаларын вәхшиләрчә газаплап яшәгән ананы рәшәткә артында калдырдылар. Бу хатын вәхшилек гөнаһ саналмаган бер сектага кушылган. Шуннан соң ул үзенең балаларын вак кына шуклык өчен дә кыйнаган, ач тоткан, бозлы су белән коендырган. Бу турыда РЕН ТВ каналы хәбәр итте.

Сабыйлар беркемгә дә зарлана алмаган, алар аналарыннан бик курыккан. Вәхши хатынны сак астына алгач кына алар җиңел сулап куйган. "Карап торышка матур гына бу хатын үзенең балигъ булмаган балаларын газаплагандыр дип тә уйлап булмый. Сак астында килеш тә, ул сер бирми", диелгән бу хәбәрдә.

Элина исемле бу хатын сорауларны ишетмәмешкә салыша. Ул ике атна дәвамында федераль эзләүдә дә торган. Аны ире Сергей - балаларның атасы гаризасы буенча эзләткәннәр. Ире Элинаны сектага кушылуда, балаларны газаплауда гаепли. 

"Бер иҗекне генә дөрес укымасам да, ул мине чәчемнән йолкып стенага бәрә иде", - дип сөйли Элинаның улы.  

Элина яшүсмер кызын да кыйнап торган. Үзенең әнисе кыйнаган бала чак кына хастаханәгә эләкми калган. "Ул минем кулларымны тотты да, бармакларымны артка таба каерды. Ике учымны да берьюлы авырттырды. Миңа рентген ясадылар, шуннан соң гипс куярга куштылар", - дип сөйли бу хатынның олы кызы. Анасы исә гипс куйдырмаган, кызын сөлек белән дәвалый башлаган. 

"Бу хатын балаларга көненә 40 сөлек салган, ач тоткан, клизмалар куйган, бозлы су салынган ваннада яткырган.  Ул үзенең балаларын да, тәрбиягә алган балаларын да газаплап яшәгән", диелгән әлеге хәбәрдә.

"Балалар әниләренең кыйнаганын, сектага алып барганын, аның белән яшәргә теләмәүләрен сөйләде", - ди сабыйларның атасы.

Сергей сүзләренчә, аның хатыны Элина сектада тора, акчалата кертемнәр кертә. Хатын үзе сектага катнашы булуын танымый. Аның адвокаты балаларны кыйнау турында сүзләрне ире Сергей үч итеп уйлап чыгарган дип саный. "Бер факт та китерелмәде", - ди адвокат.

"Мин дә, балалар да үч алырга теләмибез. Без аның сәламәтләнүен телибез, сектаны ташласын, үз акылына килсен, балаларны кочакласын", - ди Сергей.

Алдагы ай ярым вакытны Элина Тикшерү изоляторында уздырачак. Аны 7 елга кадәр ирегеннән мәхрүм итүләре ихтимал. Аның ире Сергей исә балаларының анасыз калуына бер дә сөенми. Ләкин бу чаралар хатынын сектадан коткару өчен кирәк, ди ул.

 

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла