Урамда йөргәндә, 5 яшьлек балага дус кызлары ут төрткән

12 август 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
7 августта Новокузнецк шәһәрендә урамда уйнап йөргәндә 9 яшьлек кыз зажигалка белән шаярта. Шул чакта ул 5 яшьлек кызның күлмәгенә ут төртә. Күлмәге янган вакытта, баланың тәне пешә, ул хәзер авыр хәлдә реанимациядә ята. Бу турыда Россия Тикшерү комитетының Кемерово өлкәсе буенча Тикшерү идарәсе матбугат хезмәтенә сылтама белән РИА Новости хәбәр итте. 

Тикшерүчеләр версиясе буенча, имгәнгән кыз ике дусты белән бергә өй тирәсендә урамда уйнап йөри. 5 һәм 11 яшьлек ике кыз кулларына тотынышып, әйләнә башлый. Алар янында торган 9 яшьлек кыз зажигалка яндыра. Шул чакта нәни кызның күлмәгенә ут каба. Кызлар куркып кала һәм качып кайтып китәләр. Күлмәге яна башлаган кызчык исә үзенең өенең капка төбенә барып җитәрлек көч таба. Елап басып торган баланы абыйсы тәрәзәдән күреп ала һәм әтисенә әйтә. 

Имгәнгән кызны әтисе күтәреп, өйгә алып керә һәм ашыгыч ярдәм чакыра. Урынга килгән табиблар баланы хастанәгә алып китә. 5 яшьлек кызга термик пешү диагнозы куялар.

"Бала реанимациядә ята. Аның хәле бик авыр, табиблар баланың гомерен саклап калу өчен тырыша", - дип сөйләгәннәр Новокузнецк шәһәренең 1 нче номерлы хастаханәсендә.

Кемерово өлкәсе буенча Тикшерү идарәсе хезмәткәрләре вакыйганың сәбәпләрен ачыклый. 

Өлкәдәге матбугат чаралары хәбәр иткәнчә, 5 яшьлек кызга утны махсус төрткәннәр. Ут төртүчеләр - апалы-сеңелле туганнар. Имгәнгән кызның тәненең 70-75 проценты пешкән, диелә бу хәбәрдә. 

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла