Әти кешене, 11 яшьлек кызы белән җенси мөнәсәбәткә керүдә шикләнеп, кулга алганнар

Башкортстанның Мәчетле районында бер ир-ат үз кызы белән азгынлык кылган дип шикләнәләр. Ата 11 яшьлек кызы белән җенси мөнәсәбәткә кергән булуы ихтимал. Бу турыда «Башинформ» агентлыгы хәбәр итте.

Агентлыкның хокук саклау органнарындагы чыганагы сүзләренчә, әти кеше 11 яшьлек кызына карата азгынлыкны 2014 елда ук кылган дип шикләнәләр. Мәктәптә укучы кыз бала әлеге хәл турында хәзер генә бер туганына сөйли.

Ир-атны тоткарлаганнар. Тикшерү комитеты идарәсе җинаять эше кузгаткан.