Табиблар бер хатынның эчендә металл кыстыргыч онытып калдырган

10 март 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Илнар Төхбәтов

Һиндстанның Хайдарабад шәһәрендә яшәүче 33 яшьлек хатынның эче өч ай дәвамында авырткан. Рентген ярдәмендә тикшергәннән соң, хатынның эчендә медицина коралы булуы күренә. Бу турыда «Вести. Медицина» сайты хәбәр итте. 

Узган елның ноябрь аенда бу хатынның корсагындагы бүсерен алу өчен операция ясаганнар. Операциядән соң өч көннән аның эче авырта тотына. Табиблар авыртуны баса торган дарулар эчәргә куша. Дару ярдәм итми, авырту көчәя.

Авыртуга чыдый алмаган хатын бүсерне алган табибларга мөрәҗәгать итә. Рентген аша карагач, аның эчендә хирургик кыстыргыч булуы ачыклана. Операция вакытында табиблар хатынның эчендә медицина коралын онытып калдырган. Бу корал хатынның ашказанына терәлеп торган. Табиблар кабат операция ясап, хатын эченнән чит предметны ала. Хәзер хатын үзен яхшы хис итә, диелгән әлеге хәбәрдә.

Авыруның туганнары фикеренчә, табиблар коралны махсус калдырган. Шуңа күрә туганнары хастаханә каршында җыелышкан. Алар табибларны җәзага тартуны таләп итә. Хастаханә җитәкчесе сүзләренчә, бүсерне алу өчен беренче тапкыр операция ясаган табибларның исеме билгеле. Алар өчәү булган.

Хәзерге вакытта тикшерү эшләр бара. Табибларның һәрберсенең гаебе ачыкланачак.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла