Түбән Кама районында бер хатын ун айлык оныгының мәетен кабердән казып алдырткан

12 апрель 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Илнар Төхбәтов
Түбән Кама районында яшәүче бер хатын гаризасы буенча, Олы Афанасово авылы янындагы зиратта кабердән ун айлык бала мәетен казып алганнар. Бу турыда НТР каналы хәбәр итте.

Мәрхүмә сабый кыз каберен суд карары буенча эксгумацияләгәннәр. Вафат булган кызның туганнары Түбән Камадагы тикшерү органнарына мөрәҗәгать иткән. Баланың әбисе 2018 елның җәендә үк гариза язган булган. Ул оныгы үлемендә табибларны гаепли.  

2018 елның 28 августында НТР каналы ун айлык бала үлеме турында хәбәр иткән иде. Түбән Кама шәһәренең Ямьле урамындагы йортларның берсендәге фатирда 25 августта кичке якта анасы баласын йокларга сала. Бераздан ул аны ашатыр өчен уята башлый. Тик бу вакытта сабый аңсыз була. 

Бала үлеменнән соң, тикшерү органнары җинаять эше ачкан. Алар тикшерүләр, судмедэкспертиза уздырган. Бала йөрәге дөрес эшләмәгәнгә үлгән дип нәтиҗә ясаганнар. Табиблар тиешле реанимация чараларын башкарган дип табылган. Медицина ярдәме күрсәтүдә кагыйдә бозулар ачыкланмаган.

Шулай да тикшерү органнары мәрхүмә сабыйның туганнарының гаризасын игътибарсыз калдыра алмый. Бала мәете кабердән казып алына һәм Казанга өстәмә экспертизага җибәрелә, диелгән әлеге хәбәрдә.

"Шунысын да искәртергә кирәк, әби кеше оныгы белән бергә яшәмәгән. Ул бала үлеме турында кешеләрдән ишетеп кенә белгән. Ләкин хокук саклау органнары әбинең сүзләре дөреслеккә килү-килмәвен ачыкларга тиеш. Тикшерү эшләре төгәлләнгәч, процессуаль карар кабул ителәчәк", - дип сөйләгән Россия Тикшерү комитетының Татарстан буенча Тикшерү идарәсенең Түбән Кама буенча тикшерү бүлегенең аеруча мөһим эшләр буенча тикшерүчесе Илфир Садыйков. 
 

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла