Сигез яшьлек бала эченнән ярты килолы чәч йомгагы алганнар

11 февраль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Михаил Захаров
Кыз бала үзенең чәч толымын чәйнәп йөрергә гадәтләнгән булган.

Мәскәүдә сигез яшьлек кызның ашказаныннан ярты килограмм чамасы авырлыктагы чәч йомгагы алганнар. Бала ике ел дәвамында үзенең чәч толымын чәйнәп йөргән. Шушы чәч бөртекләре эчтә җыелып яткан. Мәскәү хирурглары сигез яшьлек кыз бала эченннән «итек» алган, дип яза «Московский комсомолец» сайты.

«МК» сайты хәбәрчесе бу вакыйга турында Мәскәүнең Сәламәтлек саклау департаментының матбугат хезмәтендә сораштырган. Департамент вәкиле сүзләренчә, баланың эче бик авырта башлый һәм аны хастаханәгә китерәләр. Кыз ашый алмый, аның күңеле болгана. Әти-әнисе белән аралашкач, баланың чәч толымын чәйнәү гадәте барлыгы ачыклана. Ул ике ел дәвамында шушы эш белән шөгыльләнә. Әти-әнисе исә моңа гаҗәпләнмәгән, табибларга да мөрәҗәгать итмәгән.

Табиблар баланың эчен капшап карый. Алар эчтә ниндидер каты әйбер булуын тоеп ала. Чит предмет шулкадәр зур булган, аны эндоскоп ярдәмендә генә тартып чыгара алмаганнар. Баланың эчен УЗИ аппараты ярдәмендә тикшергәч, бу әйбернең чәч бөртекләреннән торган йомгак булуы ачыклана. Чәч йомгагы баланың бөтен ашказанын һәм уникеилле эчәклеген тутырган.

Хирурглар операция ясарга кара кыла. Кызның эченнән бер йодрык зурлыгында һәм 400 грамм чамасы авырлыкта чәч йомгагы алалар. Операция уңышлы уза. Берничә көннән соң, баланы өенә кайтарып җибәрәләр.

Сперанский исемендәге хастаханәдә эшләүче балалар хирургы Шәүкәт Ганиев сүзләренчә, әлеге чәч йомгагы ашказанында озак вакыт дәвамында тору эчәклек эшчәнлеген бозарга, нәтиҗәдә баланың бик нык ябыгуына китерергә мөмкин.

Практик психолог, гуманитар психотерапевт Алексей Лысенко бу вакыйга турында аңлатма биргән. «Даими рәвештә чәч чәйнәп йөрү психик авыру аркасында булырга мөмкин. Мәсәлән, бала куркыныч уйлардан интексә, ул еш кына бер үк гамәлләр кыла башлый. Гадәттә бу гамәлләр мәгънәсез була. Шулар хисабына кеше тынычланырга тырыша. Авыруның төгәл сәбәбен ачыклау өчен, кыз һәм аның әти-әнисе белән аралашу кирәк. Баланың ни сәбәпле чәч чәйни башлавын ачыклау хәерле. Кызда психологик травма булуы ихтимал», — дигән ул.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла