"Шушындый яман чирләр булмасын иде". Җырчылар шагыйрь Рөстәм Зәкуанны искә төшерә

2 декабрь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: instagram.com/rifat_zaripov_official
Бүген шагыйрь, күп җырлар авторы, Г.Тукай исемендәге Дәүләт премиясе лауреты Рөстәм Зәкуан озакка сузылган көчле авырудан соң вафат булды.
"Котычкыч хәбәр. Рөстәм абый, каты авырудан соң, вакытсыз арабыздан китеп барды. 

Шулкадәр күп уртак җырлар иҗат иттек. Минем илле процент җырларымның авторы ул Рөстәм абый!!! Җырчыларга бир җырларыңны, матур көйләр иҗат итәсең бит дип мине эткәләүче дә ул! Рөстәм абыйга мин бик рәхмәтлемен!

Концертларына килгәч, Алла боерса, яңаларын ишетәм икән инде, сюрприз ясыйсың миңа дип сөенгән иде соңгы тапкыр сөйләшкәндә. 15 көн генә узды бит әле...

Ватсаптан яңа җырларны җибәреп бардым. Ләкин, кызганычка каршы, тыңлый да, килә дә алмады...

Әле бит күпме җырланмаган җырлар калды. Күпме планнар бар иде...

Урының оҗмахта булсын, Рөстәм абый! Бик яхшы кеше идең!!!

Эх, әни турындагы җырны да ишетә алмады. Миңа махсус язып бирде бит ул шигырьне!"- дип язган Нурзадә.

Посмотреть эту публикацию в Instagram

Коточкыч хэбэр(( Ростэм абый каты авырудан сон,вакытсыз арабыздан китеп барды(( Шулкадэр куп уртак Яна жырлар ижат иттек.Минем 50 % жырларымнын авторы ул Ростэм абый!!! Жырчыларга бир жырларынны,матур койлэр ижат итэсен бит дип,мине эткэлэуче дэ ул! Ростэм абыйга мин БИК рэхмэтлемен!!!!! Концертына килгэч,Алла боерса,яналарын ишетэм икэн инде,сюрприз ясыйсын мина дип соенгэн иде сонгы тапкыр сойлэшкэдэ.15 кон генэ узды бит эле(((((Ватсаптан яна жырларны жибэреп бардым.Лэкин,кызганычка каршы,тынлый да алмады,килэ дэ алмады((( Эле бит купме жырланмаган жырлар калды,купме планнар бар иде Якыннарынын кайгыларын уртаклашам! Урынын ожмахта булсын,Ростэм абый! БИК яхшы кеше иден!!! (Эх,Эни турындагы жырны да ишетэ алмады.Мина махсус язып бирде бит ул шигырьне!!!!) #ростэмзакуан#нурзада

Публикация от Нурзада Ведущая праздника (@nurzada28)


"Без сөйләшеп тордык. Күпме планнар бар иде. Күпме җырланмаган җырлар калды. Якыннарының бик зур кайгыларын уртаклашабыз. Урыны оҗмахта булсын, ходаем. Бер-беребезне абзый дип йөртә идек", - дип язган Илсур Сафин.

Илсур Сафин Рөстәм Зәкуанның "Җаным чиста" шигырен урнаштырган.

Белмәсәм дә яттан догаларны,
Күңелемдә ята чисталык.
Изге азан иңли дөньяларны,
Иртәгесен уйлый бар халык.

Мәчетләрдә яңгрый изге азан,
Кол Шәрифтә татар намазда.
Күпме фикер, зыялы сүз ята
Мөфти сөйли торган вәгазьдә!

Хәтер барлый халкым кичкән юлны
Күңелемдә тарих тузаны.
Еллар аша килә ни сузылып?
Халкымныңмы авыр узганы?!

Яхшылыкка җирдә омтылдым мин
Җаным чиста. Ансын әйталам.
Ярлыкачы, диеп дога кылам,
Ялгышларым булса, йа Ходам!

Рифат Зарипов "Урыныгыз оҗмахның түрләрендә булсын" дип теләгән.


Данир Сабиров Рөстәм Зәкуан вафаты сәбәпле, видеомөрәҗәгать яздырган. "Шушындый яман чирләр булмасын иде", ди ул.


Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла