Саратовта тугыз яшлек кызны үтерүдә шикләнелүче кешедән сорау алган видео чыкты

11 октябрь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Россия Тикшерү комитеты видеосыннан скриншот
Саратов шәһәрендә тугыз яшьлек Елизавета исемле кыз баланы үтергәннәр. Баланы үтерүдә шикләнелүче ир-аттан сорау алган видео Россия Тикшерү комитеты таратты. 

Бала үтерүдә шикләнелүче ир-ат сабыйның исемен полиция тараткан ориентировкалардан гына белгән. Кыз югалу турында игъланнар шәһәр урамнарындагы һәр баганада диярлек барлыкка килгән вакытта сабый инде үлгән була. Аның мәете ташландык гаражда ята. 



Урлау, талау, сексуаль характердагы көчләү гамәлләре өчен моңа кадәр дә хөкем ителгән 35 яшьлек Михаил Т. үз гаебен таный. Ул чит кеше бинасын үзләштерүдә җинаятен яшерү өчен баланы үтерүен сөйли. Михаил чит кешенеке булган ташландык гаражны үзләштерә, аны үз эшләре өчен файдалана. 9 октябрьдә шушы гараж яныннан 9 яшьлек кыз бала узып бара. Ул ир-аттан бу гаражның хуҗасы кем булуын сорый. Шушы сорау бала өчен фаҗига белән тәмамлана. Михаил кызны гараж эченә алып керә һәм буып үтерә. Шуннан соң җинаятьче бала мәетен идән астына алып төшеп яшерә.

Югалган баланы ике тәүлек дәвамында 2 мең чамасы кеше эзли. Җинаятьтә шикләнелүче кеше тоткарлануы турында хәбәр чыккач, шәһәр халкы полиция бинасы янына җыела, алар үтерүчене үзләренә бирүне таләп итә. Росгвардия хезмәткәрләре җинаятьтә шикләнелүче ир-ат якларга мәҗбүр була. Әлеге фаҗига җәмәгатьчелектә зур дулкынлану тудырды.  Бу турыда "Вести" каналы хәбәр итте. 

"Үтерү" маддәсе буенча җинаять эше ачылган. Башлангыч мәгълүматлар буенча, баланы көчләү булмаган.

Михаил кызны үтергәч, тыныч кына тукталышка килә. Аның кулында пакет була. Соңрак тикшерүчеләр ачыклаганча, пакетта Елизаветаның мәктәптә кия торган икенче аяк киеме була. Җинаятьче баланың пакетын чүп савытына ыргыта, үзе тукталышка утырып автобус көтә. Бу турыда "КП" хәбәр итте.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла