Самарада яшь егет 7 яшьлек күрше кызын вәхшиләрчә көчләп, газаплап үтергәнен үзе сөйләгән - видео

1 май 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: samara.sledcom.ru
Россия Тикшерү комитетының Самара өлкәсе буенча Тикшерү идарәсе Николай З. исемле 24 яшьлек егет белән тикшерү эксперименты төшерелгән видеоны күрсәтте. Бу егет 7 яшьлек кызны ташландык стадионга алдап алып килүен, шунда көчләвен һәм вәхшиләрчә үтерүен үзе сөйли. Бу турыда КТВ-Луч каналы хәбәр итте.

2018 елның 20 июлендә Самара шәһәрендә 7 яшьлек кыз бала югала. Аны шәһәр халкы, полиция эзли. Николай З. да эзләүдә катнаша. 21 июльдә ташландык стадионда имгәнеп беткән кыз баланың мәете табыла. Кызны кыйнаганнар, буганнар, аның баш мие имгәнгән, башка травмалары булган. Кызның аеруча вәхши ысул белән көчләнгәне, моның өчен чит предметлар да кулланылганы ачыклана.

Өч тәүлек узгач, күзәтү камералары кадрларын өйрәнгәч, күршеләрне һәм башка шаһитларны сораштыргач, полиция хезмәткәрләре җинаятьтә шикләнелүченең кем икәнен ачыклый. Бу - мәрхүмә кызның күршесе, аның абыйларының дусты Николай З. булып чыга.

"Шушы сукмактан мин бардым, арттан ул килде. Барысы да менә шушында булды", - дип сөйли Николай тикшерү эксперименты вакытында. 
 


Тикшерү версиясе буенча, 2018 елның июлендә 17 дән 19 сәгатькә кадәр Николай исерек була, ул ишегалдында уйнап йөргән күрше кызын күреп ала. Бала Николайга ышана, җинаятьче шуны файдалана. Ул кызны ташландык стадионга алып китә. Шунда аны көчли һәм үтерә. Соңрак, 22 сәгатьтә, күршеләр баланы эзли башлагач, Николай да эзләшергә тотына, үзеннән шикләнмәсеннәр өчен тырыша.

"Җинаять эше 8 томлык булды. Тикшерү барышында җинаять урынын 5 тапкыр тикшердек. Төрле анализлар, экспертизалар ясалды", диелгән Тикшерү комитеты хәбәрендә.

Җинаять эшен судка тапшырганнар.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла