Подмосковьеда бер гаилә, кайнамаган сөт эчеп, энцефалит йоктырган.
Гаилә әгъзалары, шул исәптән бала, кәҗә сөте эчкәннәр. Сөттә исә энцефалит китереп чыгаручы бактерияләр булган.
Зыян күргән гаиләне стационарга китергәннәр, дип хәбәр итә өлкәнең сәламәтлек саклау министрлыгы.
- Урман бете китереп чыгара торган вируслы энцефалит - куркыныч кискен авыруларның берсе, ул үзәк нервы системасын зарарлый һәм инвалидлыкка, хәтта үлемгә китереп җиткерергә мөмкин. Бет хайваннарны, шул исәптән кәҗәләрне, сыерларны тешләргә мөмкин, организмга кергән вирус исә сөткә күчә һәм анда үрчи. Энцефалитны еш кына нәкъ менә кайнамаган сөт эчеп йоктыралар. Шуңа табиблар кайнаган сөт кенә кулланырга киңәш итә.