Оныгының чанасын судан чыгарырга азапланганда бозлы суга төшеп киткән бабай бәхетле очрак белән генә исән калган

16 январь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Россия эчке эшләр министрлыгының Стәрлетамак буенча идарәсе рәсми сайтыннан
Башкортстанның Стәрлетамак шәһәрендә полиция хезмәткәре бозлы суга батып яткан пенсионерны коткарган. Бу хәбәр Россия эчке эшләр министрлыгының Стәрлетамак буенча бүлеге сайтында бар.

Бу хәл яңа ел каникулларында булган. Полицейский Павел Зотов гаиләсе белән Стәрле елгасы буендагы дачада ял иткән. 

"Өеннән ерак түгел ул куркып калган кыз баланы күреп алган. Кыз Павелга 60 яшьлек бабасының суга төшеп киткәнен һәм аннан чыга алмавын әйткән. Өлкән лейтенант фаҗигане булдырмый калу өчен суга ыргылган. Ул текә яр буйлап төшкән, бозлы суга кергән һәм пенсионерны чыгарган. Бәхеткә, ир-ат суда озак булмаган, шуңа ныклап өшергә дә өлгермәгән. Полиция хезмәткәре аны өенә кадәр озатып куйган. Пенсионер хастаханәгә барудан баш тарткан", - диелә хәбәрдә.

Бабай белән онык һава сулап йөргән икән. Кызның чанасы текә ярдан су буена төшеп киткән. Бабасы, чананы чыгарам дигәндә, үзе суга төшеп киткән.

"Өлкән яшьтәге ир-ат судан үзе генә чыга алмаячагын аңлаган. Аңарда астма авыруы да бар икән, куркуыннан тыны кысылган. Оныгы ярдәм эзләп чапкан һәм, бәхетенә, полицейский Павел Зотовны очраткан", - диелгән хәбәрдә.

Полицейский үзенең гамәле турында беркемгә дә сөйләмәгән. Бабайдан полициягә рәхмәтле хат килгәч кенә коллегалары аның батырлыгы турында белеп алган.

Шуннан соң эчке эшләр министрлыгының Стәрлетамак буенча бүлеге өлкән лейтенант Зотовны бүләкләргә карар иткән.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла