"Ну бу шәһәр халкы!" Шәһәр хатынының агач урлаганы камераларга эләккән - видео
Гадәти булмаган караклык турында ren.tv хәбәр итә. Ярославльдә бер хатын шәһәр клумбасыннан туя агачын урлаган. Аның агач урлаганын бер ир күрә, әмма карап торудан гайре берни эшләми.
Агач урлаучы хатын-кыз социаль челтәрдә зур бәхәсләр чыгарган. "Ну бу шәһәр халкын, ялгыш яткан бөтен нәрсәне урларга торалар!" - дип зарланган берсе. "Эш шәһәр халкы, авыл халкы булуда түгел, тәрбиядә", - дип язган икенчесе. "Бу ханым матурлык ярата, бакчасында яшеллек булдырырга тели", - дип каһкаһә белән көлеп язган тагын берсе.