Мотоциклчы егет 15 метрлы таудан егылып төшкән мизгелне видеокамера төшереп торган

Британиядә яшәүче Адриан Оуэн исемле экстремал мотоциклда барган килеш 15 метрлы кыядан егылып төшкән. Бу вакытта аның шлемында видеокамера эшләп торган. Әлеге кадрларны "Вести" каналы күрсәтте.
Оуэн башка мотоциклчылар белән бергәләп таулы урында йөри, төрле трюклар башкара. Шул чакта ул идарәсен югалта һәм кыядан егылып аска таба "оча". Бу мизгелләрне видеокамера төшереп тора. 

Экстремал әлеге видеоны Facebook челтәрендәге аккаунтына куйган һәм "юләрлек хатасы" дип атаган. 

Бәхеткә, экстремал исән кала. Аның казналыгы, кул беләзекләре, тез башлары сынган, өстәвенә ике умыртка сөяге дә сынган булуы ихтимал. Экстремал үзе исән калуына сөенә һәм юлсыз урыннарда бик сак йөрергә киңәш итә.