Моргка китереп салган пенсионер хатын терелгән

15 январь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Рамил Гали
Санитар хатын мәеткә номер тага башлагач, пенсионер терелгән.

Белогорск шәһәрендә бер хатын-кызны исән килеш моргка илтеп салганнар. Шәһәр хастаханәсе табибы бу вакыйга буенча аңлатма биргән. Шул хакта РЕН ТВ каналы сюжет күрсәтте.

«Морг персоналы каршында мәет терелә», дип сөйли канал хәбәрчесе. Санитар хатын мәеткә номер тага башлагач, ул терелә башлаган. Пенсионерны ашыгыч ярдәм белән хастаханәгә озатканнар. Тик ул шунда барыбер вафат булган.

Бу турыда Белогорск хастаханәсенең ашыгыч медицина ярдәме бүлеге җитәкчесе Андрей Данников аңлатма биргән.

«12 гыйнварда 9.48 сәгатьтә ашыгыч ярдәм пультына Белогорск шәһәре моргыннан хәбәр килде. Алар моргка китерелгән хатынның исән булуын әйтте. Ике минуттан табиблар бригадасы моргка килде. Хатынның йөрәге бик сүлпән тибә, сулыш алуы бар иде. Аңа реанимация чаралары күрелде. Бераз стабильләштергәннән соң, хатынны шәһәр хастаханәсенең реанимация бүлегенә китерделәр.

Бу хатынның Васильевка авылында яшәве ачыкланды Ул сәламәт яшәү рәвеше алып бармаган. Бергә кунган кешеләр иртәнге якта бу хатынның суламавын абайлап ала. Алар табибларга мөрәҗәгать итми. Полиция хезмәткәрен чакырталар. Ул исә моргка юллама язып бирә. Ритуаль хезмәт машинасы бу хатынны моргка китерә. Ашыгыч ярдәмгә шалтырату булмый», — дигән табиб Андрей Данников.

"Вакытында ашыгыч ярдәм чакырсалар, хатын исән калыр идеме" дигән сорауга да табиб фараз бирүдән баш тарткан.

Бу хатын туңып һәм агуланып үлгән дип фаразлана.

Амур өлкәсе буенча Тикшерү комитеты идарәсе һәм эчке эшләр министрлыгы тикшерү оештырган.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла