Мәскәүдә бер ир-ат нәни малайны ун ел буена көчләп, коллыкта тоткан

24 март 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com

Мәскәүдә Эдурад Н. исемле ир-ат чит кеше баласын ун ел дәвамында коллыкта бикләп тоткан, көчләп яшәгән. «Ун ел буена баланы коллыкта тоткан педофилны хөкем итәләр», дип хәбәр итә НТВ каналы. Башкаланың Симонов судында әлеге кешегә карата суд процессы башланган.

НТВ каналы хәбәр иткәнчә, җинаятьтә гаепләнүче ир-ат корбанын 2007 елның июль аенда очрата. Бу вакытта малайга тугыз яшь була. Танышлары сүзләренчә, бала тәмәке тарта, аракы эчә һәм үз өеннән качып чыгып киткәли. Бу вакытта баланың әнисе исереп йөри, улын кыйный.

Эдуард Н. бу балага бергә яшәргә тәкъдим итә. Малай ризалаша. Эдуард Н. баланы өенә алып кайта һәм аерым бүлмәгә бикли. Бу кеше баланы беркая да чыгармый, яшереп тота. Баланың ярдәмгә мохтаҗ булуын файдаланып, ир-ат аңа карата җенси гамәлләр кыла, көчли, дип сөйләгән Тикшерү комитеты вәкиле.

Малай бераз үскәч, хуҗасы аңа кичке якта урамга чыгарга рөхсәт итә. Егет булып җиткән малай качарга да омтылмый, ярдәм дә сорамый. Психологлар фикеренчә, бала ике начарлыкның берсен сайлаган - өйдә дә тормышы яхшы булмаганга, ул коллыктан качарга омтылмаган. Ун ел дәвамында күрше-күлән дә бу сәер парга игътибар итмәгән, диелгән әлеге хәбәрдә.

2017 елда бу егетне урамда полиция хезмәткәрләре туктата. Аның документларын тикшермәкче булалар. Тик 19 яшьлек егетнең паспорты булмый. Шул чакта бу кешенең инде ун ел буе эзләүдә булуы ачыклана. Югалган баланы бөтен ил буйлап эзләгәннәр. Ә ул күршедә генә диярлек яшәгән.

Шушы елларда ук әлеге коммуналь фатирда Эдуард Н.ның әнисе дә яши. Ул да баланы күрә, алар аралашалар. Ләкин бу хатын да полициягә хәбәр бирми. Тикшерүчеләр хатынны җинаятьтә гаепләми, ул шаһит буларак карала.

Бала бу елларда мәктәпкә дә йөрмәгән. 19 яшьлек егетне яңадан язарга һәм укырга өйрәткәннәр. Ул күптән түгел генә үз гаиләсендә яши башлаган.

Малайны коллыкта тоткан Эдуард Н. моңа кадәр дә хөкем ителгән. Ул үз гаебен таныган. Хәзер аны 20 елга кадәр ирегеннән мәхрүм итүләре ихтимал.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла