"Мәхәббәт өчен җәза": Гашыйк кыз әти-әнисеннән качып китеп вәхши ир капкынына эләккән

9 апрель 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Cызрань шәһәрендә яшәүче бер кыз гашыйк була һәм егете белән чит илгә кача. Ә бу егет бик вәхши кеше булып чыга.  Кыз үзенең язмышы турында КТВ-Луч каналы хәбәрчесенә сөйләгән. Ул исемен үзгәртергә сораган, тиз гашыйк була торган кызларны кисәтәсе, акыллырак булырга киңәш итәсе килүен әйткән.

20 яшьлек Наталья Карпенко үзенең фотосын социаль челтәрдә урнаштыра. Кызның таныш егете бу фотоны күреп ала. Ул Натальяга үзенең Сергей исемле иптәше белән таныштырырга теләвен әйтә. Имеш, башка шәһәрдә яшәүче Сергейга Натальяның фотосы ошаган һәм ул үзе кыз белән танышырга тели.

Кыз ризалык бирә, алар Сергей белән аралаша башлыйлар. Соңрак егет белән кыз очраша. Ләкин Натальяның әти-әнисе Сергейны ошатмый.

"Мин гашыйк булдым. Кичке якта бер чиләк күз яше түктем. Берничә минуттан тәрәзәгә нидер тиде. Балконга чыгып карасам, анда Сергей басып тора. Ул тәрәзәгә вак ташлар ыргыта икән. Ул бик матур, батыр иде, мине үпмичә китә алмыйм диде. Шуннан соң подвал будкасына басып, минем балкон рәшәткәсенә сикереп ябышты. Мин аска иелеп, аны үбеп алдым. Шул мизгелдән башымны югалттым", - дип сөйләгән Наталья КТВ-Луч хәбәрчесенә.

Бер атнадан соң кыз сөйгән егете белән кача. Сергей Натальяны Казахстандагы бер кечкенә генә шәһәргә алып китә. Наталья шунда ир бала таба. Соңрак ачыкланганча, Сергей криминаль төркем әгъзасы булып чыга. Натальяның тормышы тәмугка әверелә. Ир монстрга әйләнә, яшь хатынын кыйный, өйдән чыгармый, көчли, әти-әнисе белән аралаштырмый. Бер елдан соң Сергей Натальяны баласын тәрбияләүдән дә читләштерә.

"Өч ел чит илдә, чит шәһәрдә яшәү - мәхәббәтем өчен иң зур җәза булды. Дусларым, туганнарым юк, өйдә талаш һәм кыйнау гына. Сергей кеше үтереп йөргән дип тә уйлыйм. Бер ай элек мин улымны алдым һәм Сергей өйдә юк чакта чыгып качтым. Россиягә кайттым. Очраган машиналарга утырып кайттым. Әти белән әни бик елады", - дип сөйләгән Наталья.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла