"Луиза балаларын сагына": 20 миллион урлауда шикләнелүче хатын адвокатлар алмаштыра һәм сорауларга җавап бирми - видео

4 сентябрь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Башкортстан буенча Эчке эшләр министрлыгы
Уфа суды Салават шәһәрендә банк кассиры булып эшләгән һәм 20 миллионнан артык акча урлауда шикләнелүче Луиза Хәйруллинаны тагын ике айга изоляторда калдырды. Бу турыда "Башкортстан" телевидениесе хәбәр итте.

Судка килгәндә Луизаның кулы богаулы, йөзендә елмаю була, ул конвоир хатын-кыз белән килә. Луиза камералардан качмый, ләкин журналистларның сорауларына җавап бирми.

Әлегә полиция хезмәткәрләре дә Луизадан сүз тартып ала алмый, дип хәбәр итә телеканал журналисты. Луиза сорауларга җавап бирми, изоляторда утырган ике ай эчендә өч адвокат алмаштырган. Соңгы яклаучысы - хатын-кыз, ул бик аз сүзле, диелә хәбәрдә.

Луизаның адвокаты Алла Воропаева журналистларның сорауларына кыскача җавап биргән. "СИЗОда стандарт шартларда яши. Гомуми камерада тора. Принципта, бар да нормада. Судта катнашабыз, гадел хөкемгә өметләнәбез", - ди ул. 
 


Луиза балаларын сагына икән. "Әлбәттә, сагына, ул ана бит. Баласын бөтен кеше сагына", - дигән адвокат.

Банктан акча урлауда шикләнелүче хатынның ике кызы хәзерге вакытта бабалары белән яши. Ире Марат - өй сагы астында, ул да җинаять эше фигуранты.

Тикшерү версиясе буенча, кассир булып эшләгәндә Луиза банктан 25 миллион чамасы акча ала, шуннан соң Хәйруллиннар гаиләсе бер ай чамасы качып яши. Аларны Казанда тоткарладылар
 


Якын көннәрдә Луизаның ире Маратның да сак астында булу вакытын үзгәртәләр. Ул өй сагында калырмы, әллә хатыны артыннан СИЗОга барырмы - әлегә билгесез, диелә хәбәрдә.

Луиза Хәйруллинага 10 елга кадәр ирегеннән мәхрүм ителү яный.

  Без Инстаграмда

Фикерләр








Җәмгыять

“Хастаханәнең кабул итү бүлегендә сабыйны күргәч телсез калдым”: Татарстанда тимер юл кичүендә булган коточкыч авария турында

Татарстанның Бөгелмә районында коточкыч юл-транспорт фаҗигасе булды. Җиңел машина йөртүче хатын-кыз светофорның кызыл сигналына тимер юл кичүенә чыга. Шул мизгелдә аңа каршы йөк составы килгән була. Әлеге бәрелештә алты яшьлек пассажир кыз һәлак булды. Фаҗига турында тулырак “Татар-информ” репортажында.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла