Койма аша чыкканда, 10 яшьлек баланың корсагына тимер штырь кергән

20 июнь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

19 июньдә Башкортстанның Күмертау шәһәрендәге Карл Маркс урамында 25 нче йорт каршында фаҗига була. 10 яшьлек малай койма аша чыгып барганда, баланың эченә тимер таяк - штырь кадала. Бу турыда шаһитларга сылтама белән, "Башинформ" агентлыгы хәбәр итте.

Бу хәлне күреп торган шаһитлар шунда ук ярдәмгә ташлана. Тимер рәшәткә баланың эченә тирәнрәк кермәсен өчен, ир-атларның берсе аны күтәреп тора.

Биредә яшәүче кешеләр тиз арада экстрен хезмәтләрне чакыралар. Урынга коткаручылар килеп җитә. Алар койма янындагы куакларны чистарталар. Малайны тырпаеп торган тимер рәшәткә өстеннән алалар. Баланы хастаханәгә алып китәләр. Хәзерге вакытта малайның хәле катлаулы, дип бәяләнә.

"Бу коточкыч булды, без күреп тордык. Тизрәк терелсен инде. Бу гаражларны күптән сүтәргә кирәк. Балалар түбәдән йөриләр, кыш та, җәй дә", - дип яза биредә яшәүче бер хатын социаль челтәрдә.

"Әти-әниләр балаларына нәрсә ярый, нәрсә ярамый икәнен аңлатырга тиеш. Бала тизрәк терелсен инде", - дип сөйлиләр социаль челтәрләрдә. 

"Урынга бик тиз арада коткаручылар килде. Бала аңында иде. Коткаручылар махсус кораллар ярдәмендә тимер штырьне кисеп алды. Шушы вакытта биредәге ир-атлар баланы күтәреп тотып торды. Штырьне баланың эченнән тартып алмыйча гына, аны табибларга тапшырдылар. Малайны бик авыр хәлдә хастаханәгә озаттылар", - дип сөйләгәннәр Башкортстанның Гадәттән тыш хәлләр буенча Дәүләт комитеты матбугат хезмәтендә.

Хастаханәдә балага операция ясаганнар. Хәзер аны хәле бик катлаулы.

"Балаларыгыз белән сөйләшегез. Аларга куркынычсызлык кагыйдәләрен өйрәтегез. Шуны истә тотыгыз: балаларыгызның иминлеге сезгә бәйле", - дип искәртә Башкортстан Республикасының Гадәттән тыш хәлләр буенча Дәүләт комитеты.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла