Казанда төнге бар каравылчылары бер ирне кыйнаган - видео

Бу вакыйганы бик күп шаһитлар карап торган. Видеороликта кадр артында калган бер кыз "Прямо по морде его! Ты че, дурак?" - дип каравылчылардан ирне араламакчы була. 

Социаль челтәрләрдә клубның каравылчыларын тәнкыйтьлиләр.

"Анда бөтен каравылчылар - идиотлар! Аңгыраларны куйганнар, алар борыннарын күтәреп йөри".

"Бу ир егылырлык исерек булса да, ул хаклы, амбалларның аны кыйнарга хакы юк".

Төнге бар каравылчылары әйтүенчә, бу ир үзен тәртипсез тоткан һәм сугыш чыгарган. Ир исә үзен кыйнаган каравылчыларны гаепли. 

Фикер алышуларда катнашкан каравылчылар да кунакларны кыйнарга ярамый дигән фикердә. 

Юристлар, клубта кул күтәрү очрагы булганда 112 номеры буенча шалтыратып, бу фактны теркәтергә киңәш итә. Аннары травмпунктта тән җәрәхәтләре турында белешмә алырга кирәк. Моны Республика суд-медицина экспертизасы бюросында алсаң, яхшырак. Аннан соң кеше үзенә килгән зыянны каплатуны сорап, судка мөрәҗәгать итә ала.

Суд экспертизасы кайсы якның гаепле икәнен тикшерә.